मनोज बानियाँ, काठमाडौं ।
जारी इण्डियन प्रिमियर लिग क्रिकेट आइपिएलमा क्रिस गेलको उत्कृष्ट प्रदर्शनमा रोयल च्यालेन्जर्स बैंग्लोरले किंग्स इलावेन पञ्जावलाई फराकिलो रन अन्तरमा पराजित गरेको छ । २ सय २७ रनको लक्ष्य लिएर जवाफी व्याटिङमा मैदान उत्रिएको पञ्जाव १३ दशमलव तीन ओभरमा ८८ रन जोड्दा अल आउट भएपछि १ सय ३८ रनले पराजित भयो । पञ्जावका लागि अक्षर पटेलले नट आउट ४० रन बनाउनु बाहेक अन्यको प्रदर्शन फितलो रह्यो ।
पहिलो व्याटिङ गरेको बैंग्लोरका लागि गेलले ५७ बलको सामना गर्दै १२ छक्का र ७ चौका हिर्काएका उनले सर्वाधिक १ सय १७ रन जोडेका थिए । एबी डिभिलियर्स ४७ रनमा अविजित रँहदा विराट कोहली ३२ रन जोड्दै पवेलियन फर्किए । निर्धारित ओभरमा ३ विकेटको क्षतिमा बैंग्लोरले पञ्जावलाई २ सय २७ रनको चुनौती पेस गरेको थियो । पन्जाबलाई सस्तैमा समेट्न मिचेल स्टार्क र श्रीनाथ अरविन्दले ४–४ विकेट लिएका थिए ।
लिग अन्तर्गत आज राजस्थान रोयल्स र सनराइजर्स हैदरावाद मुम्बइमा भिडने छन । त्यस्तै आजै राती सवा ८ बजे कोलकता नाइटराइडर्स र देल्ली डेर डेभिल्सबीच प्रतिस्पर्धा हुनेछ ।
