बैशाख २४, एजेन्सी ।
च्याम्पियन्स लिग फुटबल अन्तरगत दोस्रो सेमिफाईलनको पहिलो लेगमा बार्सिलोना विजयी भएको छ । लियोनेल मेसीको दुई गोलको मद्दतमा स्पेनी क्लब बार्साले जर्मन क्लब बायर्न म्युनिखलाई ३–० ले पराजित गर्यो ।
पहिलो हाफ गोल रहित बराबरीमा सकिएपनि दोस्रो हाफमा बार्साले प्रभावशाली खेल पस्किएको थियो । खेलको ७७ औं मिनेटमा पहिलो गोल गर्दै बार्सालाई अग्रता दिलाएका मेसीले त्यसको ३ मिनेटपछि नै अर्को गोल गरेका थिए । खेलको अन्तिम मिनेटमा ब्रजिलियन स्टार नेईमरले गोल थपेपछि बार्सा वायर्नको मैदानमा ३–० को जित निकाल्न सफल भयो । म्युनिख बिरुद्ध खलिएका १७ खेल मध्ये बार्साको यो १६ औं जित पनि हो ।
यी दुईबीचको दोस्रो लेग आगामी मंगलवार हुनेछ ।
