भुकम्पमा मृत्यु हुनेको संख्या ७,६५२

काठमाडौं, २३ बैशाख ।
बैशाख १२ गते गएको बिनाशकारी महाभुकम्पमा परी मृत्यु हुनेको संख्या ७ हजार ६ सय नाघेको छ । नेपाल प्रहरीले आज बिहान सार्वजनीक गरेको तथ्याङ्क अनुसार,  हालसम्म मृत्यु हुनेको संख्या ७ हजार ६ सय ५२ पुगेको हो । सिन्धुपाल्चोक, काभ्रे, गोरखा, काठमाडौं लगायत स्थानमा उद्धार कार्य जारी रहेकाले दैनिकजसो करिब एकसय जनाको संख्यामा मृतकहरु भेटिएका हुन् । यस्तै घाईतेहरुको संख्या १४ हजार ४ सय ७७ पुगेको छ ।

नेपाल प्रहरीका अनुसार आज पनि प्रभावित जिल्लाहरुमा उद्धार कार्य जारी रहनेछ । अधिकांश स्थानहरुमा राहत नपुगेको गुनासो आईरहँदा प्राथमिकतामा राखेर उद्धार भईरहेको प्रहरीले स्पष्ट पारेको छ ।