बैशाख २३, एजेन्सी ।
च्याम्पियन्स लिग फुटवल अन्तरगत सेमिफाईलनको पहिलो लेगमा रियल मड्रिड युभेन्टससँग पराजित भएको छ । होम ग्राउण्डमा भएको खेलमा युभेन्टसले मड्रिडलाई २–१ ले स्तब्ध पा¥यो । खेलको ८ औं मिनेटमा अल्भेरो मोराताले गोल गर्दै घरेलु टोली युभेन्टसलाई अग्रता दिलाएका थिए । तर २७ औं मिनेटमा क्रिष्टियानो रोनाल्डोले गोल गर्दै मड्रिडलाई खेलमा फर्काएका थिए । जारी सिजनमा मड्रिडका लागि यो उनको ५४ औं गोल हो ।
दोस्रो हाफमा कार्लोस टेभेजलाई डिबक्स भित्र फल गरेपछि युभेन्टसले पेनाल्टी पायो । अर्जेन्टिनी स्टार टेभेजले पोनाल्टीको सदुपयोग गर्दै वललाई पोष्टको दिशा दिएपछि युभेन्टस गृहमैदानमा जित निकाल्न सफल भयो । ती दुईबीचको दोस्रो लेग आगामी बिहीवार मड्रिडमा हुनेछ ।
प्रतियोगिता अन्तरगत दोस्रो सेमिफाईनलको पहिलो लेगमा आज राती बार्सिलोना र बार्यन म्युनिखबीच प्रतिस्पर्धा हुनेछ ।
