काठमाडौं, २२ बैशाख ।
बिनाशकारी भुकम्पमा परी मृत्यु हुनेको संख्या झण्डै ७ हजार ५ सय पुगेको छ । सिन्धुपाल्चोक, काभ्रे, गोरखा, काठमाडौंलगायत जिल्लामा उद्धारको कार्य जारी रहँदा पछिल्लो समय दैनिक एक सय भन्दा बढीको शव प्राप्त हुने गरेको प्रहरीले जनाएको छ ।
नेपाल प्रहरीकाअनुसार हालसम्म बिभिन्न स्थानमा ७ हजार ४ सय ९३ जनाको मृत्यु भएको छ । प्रहरीको पछिल्लो तथ्याङ्ग अनुसार, सिन्धुपाल्चोकमा झण्डै चार हजार जनाको मृत्यु भएको छ । बिहान सवा १५ बजे प्रहरीले सार्वजनीक गरेका तथ्याङ्कअनुसार भुकम्पमा १४ हजार ३ सय ७१ जना घाईते भएका छन् ।
भुकम्पका कारण मुलुकभर ३ लाख ९१ हजार ७ सय ५ वटा घर भत्किएका छन् भने सोही संख्यामा परिवार बिस्थापित भएका छन् । प्रहरीले आज पनि सिन्धुपाल्चोक, काभ्रे, गोरखा लगायत बढी प्रभावित जिल्लाहरुमा उद्धार तथा राहतका कार्यक्रम जारी रहने बताएको छ ।
