आर्सनलको सान्त्वना जित

बैशाख २२, एजेन्सी ।
ईङ्लीस प्रेमियरसिप फुटवलको पछिल्लो खेलमा आर्सनल विजयी भएको छ । ३ खेल बाँकी हुँदै चेल्सीले जारी सिजनको उपाधि पक्का गरेपछि सान्त्वना जित निकाल्ने क्रममा आर्सनलले गएराती हल सिटीलाई ३–१ ले पराजित ग¥यो । जितपछि जारी सिजनमा उत्कृष्ट चारमा आफ्नो स्थान पक्का गरेको आर्सनलले दोस्रो स्थानको म्यानचेष्टर सिटीसँग अंक बराबरी गरेको छ । समान ७० अंक भएपनि म्यानचेष्टर  भन्दा एक खेल कम ३४ खेल खेलेको आर्सनल गोल अन्तरमा तेस्रो स्थानमा रहेको हो । ३४ अंकमा १७ औं स्थानमा रहेको हल सिटीको भने रेलिगेशनमा पर्ने खतरा अझै टरेको छैन ।

आर्सनलको जितमा एलेक्स सेन्सेजले २ र आरोन राम्सेजले एक गोल गरे । आर्सनलले पहिलो हाफमा नै ३–० को अग्रता लिएपनि ५६ औं मिनेटमा स्टेफन क्विनले हल सिटीका लागि सान्त्वना गोल फर्काएका थिए ।