बैशाख २१, एजेन्सी ।
चेल्सीले जारी ईङ्लीस प्रेमियरसिप फुटवलको उपाधि जितेको छ । सन् २०१० पछि पहिलो पटक प्रेमियर लिगको उपाधि जितेको चेल्सीको यो पाँचौ उपाधि पनि हो । गएराती भएको खेलमा क्रिष्टल प्यालेसलाई १–० गोल अन्तरमा पराजित गर्दै चेल्सीले ३ खेल अगावै उपाधि जितेको हो । ३५ खेलको समाप्तिमा चेल्सीको ८३ अंक छ भने दोस्रो स्थानको म्यानचेष्टर सिटीको ७० अंक छ ।
६७ अंकमा तेस्रो स्थानमा रहेको आर्सनलले ३३ खेल मात्र खेलेपनि १६ अंकको र ३ खेल खेल्न बाँकी म्यानचेष्टर सिटीसँग १३ अंकको अग्रता लिदै चेल्सीले उपाधि आफ्नो पक्षमा पारेको हो ।
स्टामफोर्ड ब्रिजमा चेल्सीलाई जित दिलाउन पहिलो हाफको अन्तिम मिनेटमा ईडन हाजार्डले निर्णायक गोल गरेका थिए ।
गएराती नै भएको अर्को खेलमा म्यानचेष्टर सिटीले टटनहामलाई १–० ले पराजित ग¥यो । उसको जितमा सर्जियो अग्युरोले खेलको २९ औं मिनेटमा एकमात्र गोल गरेका थिए । हारपछि ५८ अंकमा छैठौं स्थानमा रहेको टटनहामको च्याम्पियन्स लिगमा स्थान बनाउनेसम्भावना कठिन भएको छ ।
