बिर्तामोड, १२ बैशाख ।
रेडबुल ए डिभिजन राष्ट्रिय लिग फुटबलमा आज झापा ११ र मोरङ फुटबल क्लबबीच प्रतिस्पर्धा हुँदैछ । खेल बिर्तामोडस्थित डोमालाल रंगशालामा अपरान्ह ४ बजेपछि हुनेछ । घरेलु मैदानमा हुने खेलमा आज झापाले जित हासिल गरे पुनः शीर्ष स्थानमा उक्लने छ । अहिले सशस्त्रको एपिएफ टोली चौध अंकमा शीर्ष स्थानमा रहेको छ ।
आफूले खेलेका सात खेल मध्ये ४ खेलमा जित, एक खेल बराबरी र दुई खेलमा पराजित भएको झापा १३ अंकका साथ लिग तालिकाको दोस्रो स्थानमा छ । समान खेल खेले पनि कुनै खेलमा विजयी नभएको मोरङ भने आठौँ स्थानमा रहेको छ ।
