सिन्धुली, ९ बैशाख ।
सिन्धुली स्थित भिमस्थान घर नजीकैको जंगल जाँदा करेन्ट लागेर एक जनाको मृत्यु भएको छ । सन्धुलीको भिमस्थान गाउ नजिकको जंगलको घारीमा विद्युत पोलबाट लत्रेको तारमा करेन्ट सर्ट हुँदा ६२ वर्षका सिंहबहादुर श्रेष्ठको ज्यान गएको हो ।
बाख्राका लागि घाँस काट्ने क्रममा उनलाई जंगलमा करेन्ट लागेको जिल्ला प्रहरी कार्यालय सिन्धुलीका प्रबक्ता तथा प्रहरी निरिक्षक राजेन्द्र थापाले जानकारी दिनुभयो । गाउँमा विस्तार गरिएको पोलको तार भुइमा लत्रदा हरियो घाँसमा करेन्ट सप्लाइ भएको पाइएको छ । विद्युत प्राधिकरणको गम्भीर लापरबाहीका कारण श्रेष्ठको ज्यान गएको भन्दै स्थानियबासीले आपत्ति जनाएका छन् ।
