सिन्धुली, ९ बैशाख ।
जिल्ला प्रहरी कार्यालय सिन्धुलीबाट खटिएको प्रहरीको नियमित गस्ति टोलीले लागुऔषध सहित एक जनालाई नियन्त्रणमा लिएको छ ।
महोत्तरीको बर्दीवासबाट सिन्धुली तर्फ लागुऔषध लिएर आइरहेका महोत्तरी जिल्ला जलेश्वर २ बस्ने २५ बर्षका सन्तोष कुमार साहलाई सिन्धुली प्रहरीले पक्राउ गरेको हो । उनलाई कमलामाई नगरपालिका १० करकरेमा पक्राउ गरिएको प्रहरी निरिक्षक राजेन्द्र थापाले जानकारी दिनुभयो ।
ज. ५ प. ५६८१ नं.को मोटरसाईकलमा लुकाइछिपाई लागुऔषध जिल्लामा भित्राउन लागेको अवस्थामा पक्राउ गरिएको थापको भनाई छ । ‘साहकोे साथबाट कोरेक्स २४ वटा बोतल, नाईट्रा भेट, स्पासमो, प्रोक्सीभन नाम क्यापसुल १ सय १०, नाइट्रोजन नामक लागुऔषध ३० वटा नियन्त्रणमा लिइएको थापाले जनाकारी दिनुभयो ।
साह जिल्ला प्रहरी कार्यालय सिन्धुलीको हिरासतमा राखिएको छ । उनिमाथी थप अनुशन्धान भइरहेको प्रहरीले जनाएको छ ।
