काठमाडौं, ९ बैशाख ।
काठमाण्डौमा जारी एएफसी अण्डर १४ गल्स क्षेत्रिय च्याम्पियनसिप फुटबल प्रतियोगितामा आज पनि तीन वटा खेल हुनेछ । प्रतियोगिताअन्तर्गत नेपाल र श्रीलङ्का, भुटान र बङ्गलादेश तथा इरान र माल्दिभ्सबीच खेल हुने एन्फाले जनाएको छ ।
यसअघि हिजो भएको खेलमा नेपालले लगातार दोस्रोे जित दर्ता गरेको छ । जितसँगै समुह ए मा रहेको नेपाल सेमिफाईनल नजिक पुगेको छ ।
त्रिपुरेश्वरस्थित दशरथ रंगशालामा अपरान्ह भएको खेलमा माल्दिभ्सलाई १०–० गोलअन्तरमा पराजित गर्दै डिफेण्डिङ्ग च्याम्पियन नेपाल ६ अंकमा समुह एको शीर्ष स्थानमा उक्लिएको छ । पहिलो खेलमा नेपालले ईरानलाई ३–२ ले पराजित गरेको थियो । माल्दिभ्सबिरुद्ध एकतर्फी खेल पस्किएको नेपालले पहिलो हाफमा ६ गोल गरेको थियो भने दोस्रो हाफमा ४ गोल थपेको थियो ।
यसैवीच भारत प्रतियोगिताको सेमिफाईनलमा प्रवेश गरेको छ । दशरथ रंगशालामा हिजै भएको पहिलो खेलमा बंगलादेशसंग १–१ गोलको बराबरीमा रोकिए पनि भारत अन्तिम ४ मा पुगेको हो । समुह बी मा रहेको भारत २ खेलबाट ४ अंक जोड्दै शीर्ष स्थानमा रहँदा बंगलादेश १ अंकमा दोस्रो र अंकबिहिन भुटान पुछारमा छ ।
उता जावलाखेलस्थित आर्मीको फिजिकल सेन्टरमा भएको खेलमा ईरानले श्रीलंकालाई ११–१ को फाराकिलो अन्तरमा पराजित ग¥यो । आफनो पहिलो खेलमा नेपालसँग पराजित भएपनि ईरानी टोलीले श्रीलंका बिरुद्ध भने प्रभावशाली जित निकालेको हो । जितसँगै ईरान ३ अंकमा समुह एको दोस्रो स्थानमा उक्लिएको छ ।
