बिराटनगर, ९ बैशाख ।
रेडबुल राष्ट्रिय लिग फुटबलमा आज नेपाल आर्मी र मोरङ्ग फुटवल क्लबबीच प्रतिस्पर्धा हुदैछ ।
लिगको चौथो स्थानमा रहेको विभागीय टिम आर्मीबिरुद्ध मोरङ्ग घरेलु मैदान बिराटनगरमा अपरान्ह प्रतिस्पर्धाका लागि उत्रनेछ । होम एण्ड अवेका आधारमा खेलाइएको खेलमा ६ खेल खेलेको मोरङ तीनमा बराबरी र तीनमा हार वेहोर्दै तीन अंकमा तालिकाको पुछारमा छ ।
त्यस्तै समान खेल खेलेको आर्मी दुईमा जित, दुईमा हार र दुईमा बराबरी गर्दै आठ अंकमा चौथो स्थानमा छ । कैलालीसँग प्रतिस्पर्धा गरेको आर्मीले ७२ घण्टापछि मोरङसँग भिड्न लागेको हो ।
