बैशाख ९, एजेन्सी ।
ईङ्ल्याण्ड बिरुद्धको दोस्रो टेष्ट क्रिकेटमा वेष्टईण्डिजले खराव सुरुवात गरेको छ । ग्रेनाडामा टस हारेर ब्याटिङ्ग थालेको घरेलु टोली वेष्टईण्डिजले पहिलो दिनको खेलको समाप्तिमा ५ विकेट गुमाई १ सय ८८ रन जोडेको छ । पहिलो दिन ७० ओभर मात्र सम्भव भएको ईनिङ्गस्मा मार्लन स्यामुएल्स ९४ र कप्तान दिनेश राम्दिन ६ रनमा क्रिजमा छन् । डारेन ब्राभो ३५ र जर्मेन ब्लाकउड २६ रनमा आउट भए । ३ म्याचको सिरिजको पहिलो खेल भने बराबरीमा सकिएको थियो ।
यता, पाकिस्तान र बंगलादेशबीचको तेस्रो तथा अन्तिम वन डे आज हुदैछ । खेल नेपाली समय अनुसार अपरान्ह सवा २ बजे मीरपुरमा हुनेछ । ३ म्याचको सिरिज २–० ले आफ्नो पक्षमा पारेको घरेलु टोली बंगलादेश सिरिज क्लिनस्विप गर्ने ध्याउन्नमा छ भने पाकिस्तान सान्त्वना जितको खोजीमा छ ।
