काठमाडौं, ८ बैशाख ।
आयोजक नेपालले काठमाण्डौंमा जारी अण्डर १४ गल्स फुटबल प्रतियोगिता माल्दिभ्ससंग प्रतिष्पर्धा गर्दैछ ।
खेल दशरथ रंगशालामा अपरान्ह ४ बजेपछि सुरु हुनेछ । आफ्नो पहिलो खेलमा ईरानलाई ३–२ ले परजित गरेको नेपाल आज पनि सोही लय समाउदै जितको संख्या थप्ने दाउमा छ । माल्दिभ्स भने हिजो श्रीलंकासँग ६–० ले पराजित भएको घाउ मेटाउन चाहान्छ ।
यसैवीच भारत प्रतियोगिताको सेमिफाईनलमा प्रवेश गरेको छ । त्रिपुरेश्वरस्थित दशरथ रंगशालामा आज बंगलादेशसंग १–१ गोलको बराबरीमा रोकिएपनि भारत अन्तिम ४ मा पुगेको हो । समुह बी मा रहेको भारत २ खेलबाट ४ अंक जोड्दै शीर्ष स्थानमा रहँदा बंगलादेश १ अंकमा दोस्रो र अंकबिहिन भुटान पुछारमा छ । समह बीमा बंगलादेश र भुटानबीच प्रतिस्पर्धा हुन बाँकी छ ।
उता जावलाखेलमा समुह ए अन्तरगत श्रीलंका र ईरानबीच प्रतिस्पर्धा भईरहेको छ । श्रीलंका पहिलो खेलमा विजयी टोली हो भने ईरान नेपालसँग पराजित भएको थियो ।
