काठमाडौं, ७ बैशाख ।
एसियाली अफ्रिकी सम्मेलनमा सहभागी हुन प्रधानमन्त्री सुशील कोइराला आज इन्डोनेसियाको राजधानी जाकार्ता प्रस्थान गर्नुभएको छ ।
जाकर्ता र बाङ्डुङ शहरमा आयोजना हुने एसियाली–अफ्रिकी सम्मेलनको ६० औँ तथा नयाँ एसियाली–अफ्रिकी रणनीतिक साझेदारी (नास्प) को १० औँ वार्षिकोत्सवमा भाग लिन प्रधानमन्त्री कोईराला जकार्ता प्रस्थान गर्नुभएको हो ।
‘विश्व शान्ति तथा समृद्धि प्रवद्र्धन गर्न दक्षिण–दक्षिण सहयोग सबलीकरण’ भन्ने नाराका साथ नास्पको सम्मेलन जाकर्तामा वैशाख ९ र १० गते हुदैछ । एसियाली–अफ्रिकी सम्मेलनको ६० औँ वार्षिकउत्सव भने बाङ्डुङ शहरमा वैशाख ११ गते आयोजना हुने परराष्ट्र मन्त्रालयले जनाएको छ ।
