काठमाडौं, ७ बैशाख ।
एएफसी यु ¬१४ छात्रा क्षेत्रीय च्याम्पियनसीप फुटबलमा नेपालले विजयी सुरुवात गरेको छ । काठमाण्डौंको दशरथ रंगशालामा अपरान्ह भएको उद्घाटन खेलमा डिफेण्डिङ्ग च्याम्पियन नेपालले ईरानलाई ३–२ ले पराजित ग¥यो । पहिलो हाफ २–१ को बराबरीमा सकिएपनि नेपालले दोस्रो हाफमा एक गोल थपेको थियो ।
खेलको २६ औं मिनेटमा सरु लिम्बुले गोल गर्दै नेपाललाई अग्रता दिलाएपनि त्यसको २ मिनेटपछि नै फतेमा अमिरिले गोल गर्दै ईरानलाई खेलमा फर्काउने प्रयास गरेकी थिईन् । तर ३२ औं र ४६ औं मिनेटमा रेखा पौडेलले गोल गर्दै नेपाललाई ३–१ को अग्रता दिलाएकी थिईन । अतिरिक्त समयमा ईरानले अर्को गोल गरेपनि जितका लागि सो पर्याप्त भएन र नेपालले खेल ३–२ ले आफ्नो पक्षमा पा¥यो ।
उता ललितपुरको लगनखेलस्थित आर्मीको टेक्निकल मैदानमा अहिले श्रीलंका र माल्दिभ्सबीच प्रतिस्पर्धा सुरु भएको छ ।
लिग कम नक आउटका आधारमा सञ्चालन हुने प्रतियोगिताका सहभागी टोलीलाई दुई समूहमा विभाजन गरिएको छ । समूह ‘ए’मा नेपालसहित इरान, माल्दिभ्स र श्रीलङ्का छन् । भारत, भुटान र बङ्गलादेश भने समूह ‘बी’ मा रहेका छन् ।
