बैशाख ७, एजेन्सी ।
बंगलादेशले पाकिस्तान बिरुद्धको ३ म्याचको सिरिज एक खेल अगावे २–० ले आफ्नो पक्षमा पारेको छ । मीरपुरमा गएराती भएको दोस्रो वन डेमा पाकिस्तानलाई ७ विकेटले पराजित गर्दै बंगलादेशले घरेलु मैदानमा सिरिज कब्जा गरेको हो । २ सय ४० रनको लक्ष्य बंगलादेशले ३८ ओभर १ वलमा ३ विकेट गुमाएर भेट्टायो । उसको जितमा तमिम ईकवालले नटआउट १ सय १६ र मुस्फिकर रहिमले ६५ रन जोडे ।
यसअघि टस जितेर ब्याटिङ्ग गरेको पाहुना टोली पाकिस्तानले निर्धारित ओभरमा ६ विकेट गुमाई २ सय ३९ रनको मध्ययम योगफल तयार पारेको थियो । नटआउ रहँदै शाद नसिमले ७७ र वाहब रियाजले ५१ रन जोडेपछि पाकिस्तान सम्मानजनक योगफल तयार पार्न सफल भएको थियो । १ सय ५४ रनमा ६ विकेट गुमाएको स्थिति सम्हाल्दै नसिम र रियाजले ११ ओभरमा नटआउट ८५ रनको साझेदारी गरे । हेरिस सोएलले ४४ र कप्तान अजहर अलीले ३६ रन जोडेको ईनिङ्गस्मा मोहमद हाफिज र फवाद आलम डक आउट भएका थिए ।
तेस्रो तथा अन्तिम वन डे पर्सि हुनेछ ।
