काठमाडौं, ६ बैशाख ।
राजधानीको चावहीलमा मिनी ट्रकले ठक्कर दिदाँ एक बिद्यार्थीको मृत्यु भएको छ । पशुपति बहुमुखी क्याम्पसमा अध्ययन गर्ने ती बिद्यार्थीको सनाखत हुन नसकेको प्रहरीले जनाएको छ ।
बा १ ख ९११२ नम्बरको मिनी ट्रकले गोपिकृष्ण सिनेमाहल नजिक पुलमा उनलाई बिहान ९ बजेतिर ठक्कर दिएको थियो ।
गंभिर घाईते उनलाई नजिकै रहेको ओम अस्पताल लैजादै गर्दा मृत्यु भएको प्रहरीले जनाएको छ । ठक्कर दिने चालक र ट्रकलाई प्रहरीले नियन्त्रणमा लिएको छ ।
यसैबीच साथीको मृत्यु भएको भन्दै पशुपति क्याम्पसका बिद्यार्थीले केहीबेर चावहील क्षेत्रमा प्रदर्शन गरेका छन् ।
