बैशाख ६, एजेन्सी ।
क्रिष्टियानो रोनाल्डोले यो सिजनको ५० औं गोल गरेपछि रियल मड्रिडले स्पेनिस ला लीगामा मालागालाई ३–१ ले पराजित गरेको छ । यस्तै लियोनेल मेसी र लुईस स्वराजको गोलको मद्दतमा बार्सिलोनाले भ्यालेन्सियालाई २–० ले पराजित ग¥यो । बार्सिलोनाका लागि मेसीको यो चार सयौं गोल हो ।
एथ्लेटिको मड्रिडले डेर्पोटिभो डि ला कोरुनालाई २–१ ले पराजित गर्दा गाताफे भने एथ्लेटिको बिल्वाओसँग ४–० ले स्तब्ध बन्यो । जितपछि बार्सा ७८ अंकमा शीर्ष स्थानमा कायमै छ भने रियल मड्रिड ७६ अंकमा दोस्रो र एथ्लेटिको ६९ अंकमा तेस्रो स्थानमा कायमै छ ।
उता, ईङ्लीस क्लब आर्सनल १९ औं पटक एफए कप फुटवलको फाईनलमा प्रवेश गरेको छ । एफ ए कपमा फाईनल प्रवेशको किर्तिमान बनाउने क्रममा आर्सनलले गएराती रिडिङ्गलाई २–१ गोलले पराजित ग¥यो ।
डिफेण्डिङ्ग च्याम्पियन आर्सनलका लागि दुवै गोल एलेक्स सान्सेजले गरे । खेलको ३९ औं मिनेटमा पहिलो गोल गरेको एलेक्सले अतिरिक्त समयको १ सय ६ मिनेटमा दोस्रो गोल गर्दै आर्सनललाई उपाधि नजिक पु¥याए । रिडिङ्गका लागि ५४ औं मिनेटमा गारेथ म्याक्लिरेले गरे ।
उपाधिका लागि आर्सनलले आज राती हुने लिभरपुल र एष्टनभिल्लाबीच प्रतिस्पर्धा हुनेछ ।
