काठमाडौं, ६ बैशाख ।
सर्वोच्च अदालतमा रिक्त न्यायाधीश नियुक्तिका विषयमा छलफल गर्न न्याय परिषद्को बैठक आज बस्दैछ । दिउँसो २ बजे तय गरिएको बैठकमा सर्वोच्च अदालतमा स्थायी र अस्थायी न्यायाधीश नियुक्तिका विषयमा छलफल केन्द्रीत हुनेछ ।
सर्वोच्च अदालतमा ३ जना स्थायी न्यायाधीशको पद खाली छ भने मुद्दाको चापका आधारमा अस्थायी न्यायाधिश नियुक्ति गर्ने प्रावधान रहेको छ । यसअघि बसेका बैठकमा सहमति हुन नसकेपछि परिषद्ले न्यायाधीश सिफारिस गर्न सकेको छैन ।
