बाराको करैयामा गएराती एकजना बालकको हत्या भएको छ । करैया ७ बजनीका पाछु यादवका छोरा पाँच वर्षीय नितेश यादवको हत्या भएको जिल्ला प्रहरी कार्यालयले जनाएको छ । हिजो सांझ पाँच बजे देखि बेपत्ता भएका नितेशको शव गएराती करिब साढे नौ बजे मकै बारीमा फेला परेको प्रहरीले जनाएको छ । बालकको हत्यापछि आक्रोशीत बनेका करैयाका स्थानीय र पिडीत परिवारले आज दिउँसो सदरुमकाम कलैयामा शव सहित प्रदर्शन गरेका थिए ।
प्रहरी उपरिक्षक लोकेन्द्र बहादुर मल्लले मल्लले दोषीलाइ हदै सम्मको कार्वाही गर्ने प्रतिबद्धता जनाएपछि प्रदर्शन स्थगीत गरिएको मृतक बालकका आफन्त शीवशंकर यादवले बताउनु भयो । घटनामा संलग्न रहेको आशंकामा भारत बेतिया घर भएका टुनटुन महतोलाई नियन्त्रणमा लिइएको जिल्ला प्रहरी कार्यालय बाराले जनाएको छ । यादवको आजै दाहसंस्कार गरिएको आफन्तजनले बताएका छन् ।
