बैशाख ५, एजेन्सी ।
ईङ्ल्याण्ड र वेष्टईण्डिजबीचको पहिलो टेष्ट क्रिकेट बराबरीमा सकिएको छ ।
४ सय ३८ रनको लक्ष्य पछ्याएको वेष्टईण्डिजले अन्तिम दिनको खेलको समाप्तिमा ७ विकेट गुमाएर ३ सय ५० रनमात्र जोडेपछि खेल बराबरीमा सकिएको हो । जासन होल्डरले करियरकै उत्कृष्ट ब्याटिङ्ग गर्दै नटआउट १ सय ३, डेभोन स्मिथले ६५ र दिनेश राम्दीनले ५७ रनको पारी खेलेपछि क्यारेबियन टोली ईङ्ल्याण्डलाई बराबरीमा रोक्न सफल भएको हो ।
१ सय ८९ रनमा ६ विकेट गुमाएको स्थिति सम्हाल्दै होल्डर र राम्दीनले सातौं विकेटका लागि १ सय ५ रनको साझेदारी गरेका थिए । वेष्टईण्डिज पहिलो ईनिङ्गस्मा २ सय ९५ रनमा समेटिएको थियो । टस हारेर ब्याटिङ्ग गरेको ईङ्ल्याण्डले भने पहिलो ईनिङ्गस्मा ३ सय ९९ रन जोडेको थियो भने दोस्रो ईनिङ्गस् ७ विकेटको क्षतिमा ३ सय ३३ रनमा डिक्लियर गरेको थियो ।
