काठमाडौं, ४ बैशाख ।
नेपाल विद्युत प्राधिकरणले आजदेखि लोडसेडिङ समय घटाएको छ । हप्तामा साढे ५९ घण्टा हुँदै आइरहेको विद्युत चार घण्टा घटाएर ५५ घण्टामा सीमित गरिएको प्राधिकरणले जनाएको छ । अब हप्तामा ६ दिन आठ घण्टा र एकदिन ७ घण्टा विद्युत कटौति हुनेछ । नदीहरुमा पानीको जलस्तर घट्नेक्रम रहेपनि कुलेखानी जलाशयको पानी सन्चिती अनुकुल रहेकाले लोडसेडिङ तालिकामा फेरबदल गरिएको प्राधिकरणले जनाएको छ ।
