काठमाडौं, ३ बैशाख ।
रेडबुल राष्ट्रिय लिग फुटबल प्रतियोगितामा आज तीन खेल हुँदैछ ।
होम एण्ड अवेका आधारमा भइरहेको प्रतियोगितामा तालिकाको शीर्ष स्थानमा रहेको मनाङ मस्र्याङदीविरुद्ध बिराटनगरस्थित आफ्नै घरेलु मैदान सहिद रंगशालामा मोरङ फुटबल क्लब भिड्दै छ । झापा ११ भन्दा १ खेल कम खेल्दै १० अंक जोडेको मनाङ शीर्ष स्थानमा रहेको हो । समान अंक भएपनि झापा गोल अन्तरका आधारमा दोस्रो स्थानमा छ ।
त्यस्तै सुदूरपश्चिम र शसस्त्रको एपिएफ धनगढीमा भिड्दा जगदम्बा लुम्बिनी फुटबल क्लब र आर्मी भने बुटवलमा आमनेसामने हुनेछन ।
