कपिलबस्तु, २ बैशाख ।
पूर्व पश्चिम राजमार्ग अन्तर्गत कपिलवस्तुको बरकलपुरमा आज बस र ट्याक्टर ठोक्किँदा २ जनाको मृत्यु भएको छ भने ४ जना घाइते भएका छन् । पश्चिमवाट पूर्व गैरहेको ना ४ ख ४६९६ नम्बरको वस र विपरित दिशाबाट आइरहेको लु २ च ४८६९ को ट्याक्टर बरकलपुर गाविस ४ चम्पापुरमा ठोक्किएका हुन् ।
दुर्घटनामा मृत्यु हुनेहरुमा ट्याक्टरमा सवार बरकलपुर ४ का १८ वर्षीय रियाज मुसलमान र २० वर्षीय मुस्तफा धोवी छन् । घाइतेहरुको लुम्विनी अञ्चल अस्पताल बुटवलमा उपचार भइरहेको छ ।
