क्यापिटल लिग कपको सेमिफाइनलको पहिलो लेगमा लिभरपुल विजयी

06 Jan 2016 | 11:04 AM

एजेन्सी, २२ पौष ।
क्यापिटल लिग कप फुटबलको सेमिफाइनलको पहिलो लेगमा लिभरपुल विजयी भएको छ । गएराती राति भएको सेमिफाइनलको पहिलो लेगमा लिभरपुलले स्टोक सिटीलाई १–० ले हराएको हो । स्टोकलाई उसकै घरेलु मैदान ब्रिटानिया स्टेडियममा हराएर लिभरपुलले फाइनल प्रवेशको सम्भावना बलियो बनाएको छ ।

यी दुई बिचको दोस्रो लेग आउँदो माघ १२ गते लिभरपुलको मैदान एनफिल्डमा हुनेछ । गएरातिको जितमा जोर्डन इबेले गरेको गोल नै निर्णायक बन्यो । यस्तै अर्को सेमिफाइनलमा आज एभर्टन र म्यानचेष्टर सिटिबीच प्रतिष्पर्धा हुनेछ ।