लामो समयदेखि बन्द रहेका तराईका बिद्यालयहरु आजदेखि सञ्चालनमा

20 Nov 2015 | 10:21 AM

काठमाडौं,४ मंसिर । मधेश केन्द्रीत दलको आन्दोलनका कारण तराईका जिल्लामा लामो समययता बन्द रहेका शैक्षिक संस्थाहरु आजदेखि सञ्चालनमा आएका छन् । तराई मधेसमा आन्दोलनरत संयुक्त लोकतान्त्रिक मधेसी मोर्चाले आफ्नो आन्दोलनका कारण हजारौं बालबालिका शिक्षाबाट बञ्चित भएको भन्दै आजबाट बिद्यालय खुल्न दिने निर्णय हिजो गरेको हो । मोर्चाको ३ महिनाभन्दा लामो आन्दोलनका कारण तराईका सिराहा, सप्तरी, धनुषा, महोत्तरी, बारा, पर्सा, रौतहट लगायतका जिल्लामा शैक्षिक संस्थाहरु पूर्ण रुपमा बन्द थिए ।

नीजी बिद्यालयहरुमा आज बिहानदेखि पठनपाठन सञ्चालनमा आएपनि सरकारी बिद्यालयहरु भने आज नखुलेको सिराहा सहकर्मी सहकर्मी रामबाबु यादवले जनाएका छन् । पर्सी आइतबारदेखि सबै बिद्यालयहरु खुन्ने अनुमान गरिएको छ । चौतर्फी दबाबपछि हिजो बसेको मधेसी मोर्चाको बसेको बैठकले विहानको समयमा स्कुल र क्याम्पस सञ्चालन गर्न दिने र नाकामा रोकिएको औषधि बिराटनगर नाकाबाट ल्याउन दिने निर्णय गरेको थियो ।