पत्रकार गिरीको निधन
10 Nov 2015 | 14:00 PM

काठमाडौँ, २४ कात्तिक । पत्रकार तथा लेखक डम्बरकुमार गिरी मस्तिष्काघातका कारण आज बिहान ५० वर्षको अल्पायुमा निधन भएको छ । ललितपुरको अल्का अस्पतालमा उपचारका क्रममा निधन भएका गिरी विसं २०२२ जेठ ३ गते शनि–अर्जुन नगरपालिका–६, सालघारी, झापामा जन्मनुभएको हो । उहाँका पितामाता, श्रीमती र दुई छोरी छन् । ‘भूगोल’ मासिकका सम्पादक तथा प्रकाशक गिरीले विसं २०४० देखि ‘कुटुम्ब’ साप्ताहिकबाट पत्रकारिता प्रारम्भ गर्नुभएको हो ।

पत्रकारिता र साहित्यमा क्रियाशील उहाँका ‘हिमालकी छोरीः पासाङ ल्हामु’, ‘युग पुरुष’, ‘विचार कुञ्ज’, ‘पवित्र क्रान्ति’, ‘ब्रह्मास्त्र’ आदि पुस्तक प्रकाशित छन् । उहाँले ‘जनता’, ‘छलफल’, लालिमा’, ‘सम्बोधन’, ‘अनुगमन’ आदि पत्रिकामा पनि काम गरिसक्नुभएको थियो । उहाँ नेपाल पत्रकार महासङ्घका केन्द्रीय पार्षद, अन्तर्राष्ट्रिय नेपाली साहित्य समाजका आजीवन सदस्य पनि हुनुहुन्थ्यो । उहाँले भारतीय नेपाली साहित्यको प्रवद्र्धनमा पनि योगदान दिनुभएको थियो । उहाँको आजै अपराह्न १ बजे पशुपति आर्यघाटमा अन्त्येष्टि गरिने अन्तर्राष्ट्रिय नेपाली साहित्य समाजका केन्द्रीय वरिष्ठ उपाध्यक्ष राधेश्याम लेकालीले जानकारी दिनुभयो । रासस 

प्रतिकृया दिनुहोस

लोकप्रिय

Radio Programs

Join Us On Facebook

Get In Touch

Give us a call at

+977-1-4721452, +977-1-4721453 

Email us at
info@radioannapurnanepal.com

Follow Us